(قصيدة الشاعر مهلي مسعود مساعد المظيبري)
ياوجودي وجد عودن عياله ماتبيه..وده بنفعت حديهم وخابت هقوته..
حيلته بالصوت ومن القهر يفرك يديه..
والمقام اصعيب واصبح يكايد عبرته..
من غلا اللي راعي الفقر يصعب عليه..
اليا اعترض له ماله الا جدى في صدته..
جيب تويوتا راعي المال يقدر يشتريه..
والفقير يموت بالوقت ماجاء قيمته..
مثل حرن كل صقار وأن شافه يبيه..
اليا انصرم للصيد صعبه اتغادر صيدته..
اه ياغبني وياحمس كبدي يالنبيه..
حطته بسمي وقدام بيتي وقفته..
صرت مثل اللي اليا اصبح قصاصه يحتريه..
ذابحن له عود وأهله ماتقبل ديته..
يقدره فيصل لون القصيده ذي تجيه..
حرر الارقاب ماهي جيوب ابقضبته..
الامير اللي على الطيب ماتبخل يديه..
حب درب المرجله والمراجل حبته..
الامير اللي يبينا وحنى ايضا نبيه..
عزنا وقت الشدايد ماننسى فزعته..
أبن مشعل وارث الطيب من جده وابيه.
آل سعود اللي باب الظلم عنى صكته..
الضعيف يجيه حقه من اللي جاء يبيه.
حكمهم حكم الشريعه واللي يخطي دلته..