مجموعة من قصايد الشاعر براك سالم الخرم الرشيدي
_________________________
ياسيف ياوجدي على شوف خلي
وجد الغريب إلى سكن دار الأغراب
أو وجد عودن في زمانه مولي
عودن عقيم ولضنا مابعد جاب
على الذي حبه بدأ بالتغلي
ادعج عنج لقلوب الأبشار نهاب
حبه غدا لي بالزمن مثل ضلي
لوغاب عن عيني عن القلب ماغاب
لاقادرن وصله ولامرسلن لي
بيني وبينه عود الوصل بحساب
_________________________
اي والله ابكي كل طيب ليا راح
ابكيه من زود الوفا والموده
ابكي على حين له البال يرتاح
الله من عقب المغيبه يرده
يرده إلى رد يوسف بالانصاح
رده على يعقوب من عقب مده
يرد اخوي إلى ليا هبت ارياح
عزي ليا شانت وجيهن مصده
لاكن تكفى كان ودك بمرواح
يعمير خذ مني سلامي اوده
قله تراي بخير طيب ومرتاح
مع شايبي بالديره المجرهده
بايسر عريق الدسم سقاه لواح
برقن سحابه كل ماشي يعده
واقبل تحياتي كما الورد لافاح
يزيد طيبه كل مازاد نده
_________________________
ياراكب الي خطها مشتغل فيه
ابوعمر ولا الومير وصمدان
طريقها بالبوصله يوم تمشيه
من دون رويتها يحولن الامزان
طيارها الي فرض ربه يصليه
دين الشريعه منهجه وين ماكان
من القصيم العصر تخلي ضواحيه
وعصير في تبوك وقت المسيان
ابا رفيقن سعد منهو بناخيه
ساير طويل الباع ويضا ابن سلمان
اليا وصلته نادله واختصر فيه
قله تراني جيت بالعلم عجلان
قله يقول الك ابوراضي لياليه
قامت تدانا يالبناخي بنقصان
_________________________
الا ياوجودي وجد من حدته دنياه
علي منت الي سلعته مايزكيها
شرح له ضروفن لوشرحها لبوش ابكاه
وقال الفقارا مثل شرواك معطيها
علي الي قطع وصله ونا ماقدرت انساه
دياره قريب بعيد وزريت لاجيها
ليا جا يبيني جا ولي امره وعداه ونا حيلتي عيني تساقا عباريها
ولا يامحمد كانك تجير تكفا ابغاه
يدز الرسايل معك وانت احتفظ فيها
_________________________
اه ياوجدي علي خلي وجود مقلي
كل مصغا له بدربن سكر الله بابه
او وجود الي عقب عزه وطاه الذلي
خاب ضنه في بني عمه وكل اصحابه
من غرام الي نهب قلبي وتله تلي
تل قلبي في يديه من الحشا وقفا به
حلفن منساه دامي للفروض اصلي
كيف ابا انسا سيرت المجمول عقب غيابه
_________________________
راكب الي نازح البعد يدني به
ماذكر بمحركه والبدي خله
افحجن ومقوسن وصفه مصيبه
قيمته تبني لها بالبلد فله
ينحر الي واجب الضيف يحري به
واجب الضيفان بالعسر مازله
ينحر فليح عسا الرب يبطي به
جعل رب البيت والكون يمهل له
من رجالن تكسب الطيب وتجيبه
طيبهم من ماض الاجداد وجبله
كلهم وافين شبان مع شيبه
الصغير من اصغر الربع ماتمله
الصغير ليا لفيته تراحيبه
عنك تبعد ضيقت البال والذله
جعل يفداهم رفيقن طلع عيبه
عقب طيبي فيه هبن وتبن له
_________________________
يالله بنون مادرت عنه الارصاد
يسوقه الرحمن يمت وطنا
يسوقه الرحمن بارق ورعاد
لين الغصون من السحايب تثنا
يسوقه الرحمن لدار مهجاد
ويزين شف النوق يبن مهنا
نبيلنا بالروض دله وبراد
ليا عم خير الرب منا ومنا
_________________________
واقلبي الي خذا المجمول مفتاحه
اتلا العهد في يد الغالي مفاتيحه
علمي به العام يوم النفس مرتاحه
يومني اسامحه بالذنب وابيحه
واليوم من غيبته والقلب بجراحه
اثره صحيح الهوى تبطي مجاريحه
الي ذبحني ماهو بالبر والساحه
في ديرتن من وصلها يضمن الطيحه
عليه قلبي تقل جواك مرجاحه
في ملعب اطفال تلعب في مراجيحه
ابوخديدن يشابه وصف تفاحه
تفاح شامن تباها في تفافيحه
وهني من ذاق منه الود بانصاحه
فوق الوطا والسما تضوي مصابيحه
عليه وجدي وجود الي رما سلاحه
من عقب مافرغ استيسر والجدا صيحه خلوه ربعه صويب الشلف ورماحه
خلوه ربع الرخا ماهبهبو ريحه
_________________________
يفليح علومك عسى مابك خلاف
عسى القدم تاطا عليه متساوي
يالصاحب الي مالك اجناس واوصاف
ياعقب ربعن يبعدون الهقاوي
اتلا العهد بالي نبا وقت الارياف
العام يوم العد جمه رهاوي
واليوم حاديني عنه كل حذاف
مثل الفقير الي حداه الغناوي
عليه وجدي وجد من شاف الاسلاف
اقفت وهو بالحزم طاح متساوي
او وجد من ربعه مساكين وضعاف
خلوه ربعه للمحن والبلاوي
الخميس أكتوبر 11, 2018 11:00 am