غض النظر يازين لاتفتن الناس
ترا عيونك للمولع اسهومي
حنا نعرف الهرج في وزن وقياس
بس انت عن بعض العلوم امحشومي
ياشبه شقحا مع بعيدين الارماس
يتلوبها مرباع عشب الوسومي
لاشافها الطامع يعود بالافلاس
شقحن لها دبدوب حرادن ردومي
وجدي عليكم وجد من طقه الياس
خلي كسيرن في مداس القرومي
خلوه ربعه يوم الارياق يباس
جداه ينظرهم اوبلكف يومي
قنب عليه الذيب قدام الادماس
والطير كسع في جناحه يحومي
وابى اتوجد ليت ياعذب الاباس
ليه عليكم يالحبيب اسلومي
مصلح ابن هملان