ابتديت ابذكر ربن عالمن كل الخوافي
ربنا الي بالشدايد كل خلقه تلتجيله
من بعدها سرت للمعنى على زين القوافي
سابح ابحور المعاني وانتقي منها الجزيله
لاتمادى يابن ادم تحسب الدنياعوافي
او وادين ماتعرفه حذرا تقرب من مسيله
واخذ عبره من ارجالن فوقها تسف السوافي
مابقى الاذكرها واجسادها تحت النثيله
والنصيحه طيع ربك واطلب الله الروافي
طاعة الله تنفعك وتصير في دربك دليله
ذي نصيحه والنصايح مايجي فيها اختلافي
وعن كثير الهرج لاصبت الهدف يكفي قليله
الشاعر نايف ابن مصلح ابن هملان المضيبري